Welcome to your new site.
Welcome to your new site! You can edit this page by clicking on the Edit link. For more information about customizing your site check out http://learn.wordpress.com/
Latest from the Blog
灣仔驚喜手工拌麵小店
去到港島區又想食平靚正的野呢間小店絕對係唔錯嘅選擇🤪 必食之選：鎮店之寶蟹黃伴麵🦀🦀蟹黃汁大大碗，唔會太濃太「杰」倒落去撈麵啱啱好汁同麵溶為一體，入口即吞享受回香😋如果可以多少少蟹肉同實身蟹膏加強返個質感就更perfect 啦貴少少都無問題架~~ 野生松茸鮮雞湯非常有驚喜既湯，仲有大大舊雞肉好清甜又唔會雞味太搶，咸度適中一句講哂﹕好有雞味﹗ 極品陳年龍鳳檸蜜經典既味道，咸檸味好出甜度咸度取得平衡，係送飯甚至送辣既良伴 巨峰茉莉寒天茶粒粒寒天好有咬口，健康又解渴 今次最可惜叫唔到既酸菜魚 > <姐姐話平日7點左右就賣晒，限量供應架
老闆誠意之作 日本空運水產
三上水產位於深水埗，當然唔係一間好華麗嘅居酒屋。亦因為甘，佢哋老闆食材相對性價比極高⭐ 今次小魚同朋友仔去食嘅係Omasake，人頭大約hkd1000位，但餐廳已經包埋日本清酒。 完全無概念地去到，令人意外驚喜，不但之氣氛及人情味。 介紹返食物 主要日本空運到貨✈ 首推薦：岩手螺 香港已經無貨供應，就算想買亦難找。 多汁清甜，食到停唔到手👐 街買都好貴，成日屋企唔會吃到。 之後係佢個 長腳蟹／松葉蟹飯🦀 (睇你要幾大而定) 師傅用心去執蟹肉再加工炒飯，好精緻! 蟹肉同飯炒到岩岩好，一啲都唔需要加調味料都已經夠哂味。 唔少得係佢即晚到港嘅10吋厚拖羅…crazy! 老闆唔客氣地說：呢舊野要成萬幾蚊！哈哈，不過認真新鮮到一個點，係肥美黎形容！ 其實一晚都有成10個菜式，最後嘅重點菜式🐮 係”生切和牛”，係香港基本好少餐廳願意做，因為風險大，如果刀法唔好及牛唔多新鮮，會過厚同出血水。 個師傅切到一片片厚薄適中，冰鎮上碟，又滑入口即溶。正，師傅叫我們加dd醋一齊食，無甘濟。 4個人食，仲有大蝦刺身及蚌刺身、一盤海膽我們真係啖啖雪糕甘食😁、熱食串燒、清湯烏東。 最後加多條一夜干送酒！試問點唔贊一下🍶101分～
《丸十》朗豪坊 燒目仁奈 小長井牡蠣華漣蠔王
《丸十》位於朗豪坊頂樓日本料理，有齊串燒、刺身、壽司、燒物等日本料理，餐廳都係聘請正宗日本師父主理，小妹有幸嚐試一下！平日係九龍都好少去旺角食日本野，覺得一定無尖沙咀好，今次真係意出望外。 今期特別推介： 燒目仁奈（右） 及 小長井牡蠣華漣蠔王（左）茶漬鵝肝（下左） 燒目仁奈 – 比較少人叫，一般人都會燒喜之次，但個人覺得喜之次性價比較低，一般都好細條或者大條野生都好貴，老闆介紹目仁奈比我地，肉質好好、油份岩岩好，唔會有喜之次太油，又唔會太粗，皮燒得卜卜肥肉嫩。 讚！ 小長井牡蠣華漣蠔王 – 日本黎講算是中SIZE，唔會太大隻、食到飽飽。味道偏淡身、海水味一般，不過加少少酸汁後令人好開胃，做前菜一流！ 茶漬鵝肝 – 鵝肝食得多，日式煮法比較少，一睇個相覺得都會好粉、食落口感好特別，唔會軟淋淋，好似糕點甘，不過唔係人人都喜歡，我就可以SKIP喇 😛 比較喜歡佢個燒飯團，又脆又熱又好味，飲完酒食冇得輸！ 其他刺身都好新鮮，左口刺身、海膽、貝類等等，今次揀既海鮮比較重味，鮮到成口都好似腥腥地味！哈哈！要ORDER返串燒中和一下味道，串燒種類都唔少！ 一晚唔連酒大約平均 $600-800 一位左右。經理有時會請你飲下酒，只有一間房，平日都有Omasake $880/$1388/$1888都有。 丸十寿司日本食堂 Maruju Sushi Japanese Shokudo 地址：亞皆老街8號朗豪坊12樓13號舖 #波士思思 I.G.: https://www.instagram.com/sillycc/ Page: http://www.facebook.com/museseesee
Get new content delivered directly to your inbox.